تحسين محركات البحث
احنا شركة سيو في السعودية، وشغلنا إن عميلك يلاقيك لما يدور على خدمتك. أغلب عملائك ما يعرفونك من إعلان، يعرفونك من بحث في قوقل. إذا موقعك ما يطلع، فرصتك تروح لمنافس ثاني.
نشتغل على ظهورك المحلي بخطة واقعية مبنية على بيانات فعلية، مو وعود فاضية بمرتبة أولى خلال أسبوع.
آخر تحديث
لمعرفة كيف تعمل هذه الخدمة في قطاعك، اطلع على صفحات مكاتب المحاماة، العيادات الطبية وورش وخدمات السيارات.
لما تدور على خدمات سيو بتلاقي خيارين: شركة سيو كبيرة، أو خبير سيو يشتغل لحاله. الشركة الكبيرة عندها موارد، بس غالبًا تتعامل مع مدير حساب ما يلمس موقعك بنفسه. والخبير المستقل قريب منك، بس وقته محدود وصعب يغطي التقنية والمحتوى والروابط كلها مع بعض.
احنا نجمع الميزتين: تتعامل مباشرة مع اللي يشتغل على موقعك، مو وسيط، وتحصل على خدمات سيو كاملة. نغطي السيو التقني، والمحتوى بالعربي والإنجليزي، وبناء الروابط، والظهور في خرائط قوقل عن طريق ملف قوقل التجاري. وكل شهر يوصلك تقرير واضح عن وش تغيّر ووش الخطوة الجاية.
وإذا موقعك نفسه يحتاج شغل قبل السيو، نبدأ من تصميم مواقع إلكترونية مهيأة للبحث من أول يوم. وإذا تبي نتائج سريعة بالتوازي، إدارة إعلانات قوقل تجيب لك طلب وأنت تنتظر السيو يكبر.
السيو المحلي هو الشغل اللي يخلي نشاطك يظهر في نتائج قوقل وخرائط قوقل لما أحد يبحث في مدينتك أو عنها. لما تبحث عن خدمة مثل «محامي في جدة»، يعرض لك قوقل فوق النتائج العادية خريطة وثلاث نشاطات تجارية، وهذي نتائج الخريطة اللي غالبًا أول شي يشوفه عميلك.
الظهور فيها يعتمد على ملف قوقل التجاري: الفئة الصح، والتقييمات، وتطابق الاسم والعنوان والرقم في كل مكان. وشرحنا الخطوات بالتفصيل في طريقة تصدّر نتائج خرائط قوقل. وإذا عندك أكثر من فرع، نشتغل على ملف لكل فرع بحيث يطلع كل واحد في منطقته.
السيو شغل مستمر، بس له خطوات واضحة من أول يوم، وتعرف في كل شهر وين وصلنا. وما نبدأ المحتوى قبل ما نصلح الأساس التقني:
ما نحط أسعار ثابتة، لأن شغل السيو يختلف من موقع لموقع. التكلفة تعتمد على:
بعد التدقيق نعطيك خطة وتقدير واضح. احجز تدقيق مجاني وشوف وين واقف موقعك الحين.
نركز على السيطرة على جدة أول قبل لا نوسّع لمكان ثاني، وكل تقرير يوصلك فيه أرقام حقيقية مو منفوخة. وإذا شي ما يشتغل، بنقولك قبل لا تسأل.
التحسينات على ملف قوقل التجاري والإصلاحات المحلية ممكن يبان أثرها خلال أسابيع. أما أول حركة في نتائج البحث العادية فتاخذ غالبًا من شهرين إلى أربعة أشهر، لأن قوقل يحتاج وقت يزحف للشغل الجديد ويثق فيه ويرتّبه. وبنوريك المؤشرات المبكرة اللي تراقبها خلال هالفترة.
لا، وأي جهة تعدك بهذا ما تكون صادقة معك. اللي نلتزم فيه هو خطة واقعية وتقارير صادقة عن وضعك الفعلي.
غالبًا إي، خصوصًا لو عملاؤك أصلاً يدورون على خدمتك في جدة. وإذا وضعك ما يستاهل حاليًا، بنقولك بصراحة.
الإعلانات تظهرك فورًا بس توقف لما توقف الصرف. السيو يبني أبطأ، بس يستمر يشتغل لك حتى بعد ما تتوقف عن الصرف عليه.
اسأل عن خطتهم للأشهر الأولى، وكيف يقيسون النتيجة، ومين بيشتغل على موقعك فعلًا. وابعد عن أي أحد يضمن لك المرتبة الأولى أو يرفض يوريك وش سوّى في موقعك.
إي. ما فيه مدير حساب في النص، تتعامل مع اللي يشتغل على موقعك ويقدر يجاوبك عن أي تغيير سواه وليش.
تعتمد على حجم موقعك، وقوة المنافسة في مجالك ومدينتك، وكمية المحتوى المطلوب، وحالة الموقع التقنية. ما نعطي رقم عام، نعطيك تقدير واضح بعد التدقيق.
إي. أغلب عملائك يبحثون بالعربي، وجزء منهم بالإنجليزي، فنشتغل على الكلمات والمحتوى باللغتين حسب سوقك.
الشغل اللي انبنى ما يختفي فورًا: الصفحات والمحتوى والإصلاحات تبقى. بس المنافسين يكملون، فممكن ترتيبك ينزل مع الوقت إذا وقفت تمامًا.
احجز تدقيق مجاني وشوف وين ترتيبك بالضبط الحين.
احجز تدقيق مجاني